Klubbstemne i sprang

Sidan D-stemnet 23.-24. Mai vart korona-avlyst, byr Volda rideklubb inn til internt klubbstemne i sprang 24. mai i staden.
Start kl. 12:00.
Klasser:
1. 20 cm CR (lov med leiar)
2. 40 cm CR
3. 50 cm CR
4. 60 cm CR
5. 70 cm CR
6. 80 cm (omhopping etter klassen for minste like feil)
Pris per klasse: 100 kr, betal på Vipps eller før over til konto. Vi tek ikkje imot kontant betaling denne dagen på grunn av korona.
Sløyfepremiar.
Banebyggjar og dommar: Liv Jorunn Nyhagen
Stemnet er ope for alle medlemmar i Volda rideklubb som disponerer hest sjølv. Vi har dessverre ikkje hestar til utlån denne dagen.
Påmelding til livjorunn83@gmail.com innan 19. mai kl. 20:00. Vi ber om at du skriv namn på hest, rytter og klasse, samt namn på eventuelle medhjelparar/heiagjeng. Vi må vite kven som er på området om smittesporing seinare skulle bli naudsynt.
Startlister vert tilgjengeleg seinast laurdag.
Vi følgjer dei gjeldande smittevernreglane, og ber om at folk held avstand til kvarandre og forlet stemneplassen straks klassen(e) sine er over. Det er antibac tilgjengeleg ved ridebana. Vel møtt!

Årsmøte 2016


Då nærmar det seg tid for årsmøte for rideklubben.

Datoen blir: Måndag 15. februar kl. 19.00
Stad: Hos Linn Wangen Mork, Kårstadvegen 10, Volda

Sakliste:

  • Val av sekretær
  • Val av dirigent
  • Val av 2 representantar til å signere protokollen
  • Godkjenning av inkallinga og saklista
  • Lese opp årsmeldinga og godkjenne den
  • Godkjenning av det reviderte rekneskapet
  • Medlemskontingent og baneleige
  • Val av styre
  • Informasjon om planar for aktivitetar 2016

Gi oss beskjed om du vil sitte i styret eller i grupper. Saker til årsmøtet må vere styret i hende innan 5. februar. Send ein epost til styret@voldarideklubb.no om du har innspel som bør vere med på årsmøtet.

Det blir servert sjokoladekake 🙂
Vel møtt!

 

 

Fjordhest NM 2016

Isabell_NMvinnarfjordhest2016Ekvipasjane frå Volda rideklubb gjorde nærast reint bord under Fjordhest NM i Førde i sommar. Isabell Engjaberg Øye og Brautar kom heim med den gjevaste utmerkinga; dei vann NM senior-klassen.

Frå Volda rideklubb reiste ekvipasjene

  • Isabell Engjaberg Øye og Brautar
  • Ida Kristine Standal og Endrar
  • Randi Maud Mork og Odin
  • Tirill Alnes og Gløgg

Liv Jorunn Nyhagen og Pokemann rir for Eid ride- og køyreklubb, men er busett i Volda og gjestemedlem i Volda rideklubb.

Les meir om resultata i artikkelen frå Møre under:

Voldingar på Fjordhest NM: Gjorde nærast reint bord

Vel blåst jubileumsshow

_SOH7882Søndag 29. mai feira klubben 20 år med eit show på ridebana. Det var mange som møtte opp i det fine veret for å sjå innslaga av medlemmane i klubben. Det var også barneriding og junior-gymkhana for dei minste og mykje godt i kiosken.

Les artikkel frå Møre frå dagen her: Volda rideklubb feira 20-års jubileum

Sjå bilete og ein liten filmsnutt frå dagen under:

Sommarshow 2016

Søndag 29. juni hadde vi sommarshow på ridebana for å feire at klubben er 20 år! Foto: Ingvild Runde og HumbersetFoto.

Inviterer til sprangstemne

isabell_brautarLaurdag 3. september kl 14.00 inviterer Volda rideklubb sine medlemmar til internt klubbstemne i sprang. Det blir forskjellige klasser og mogleg å låne hest i den lavaste klassa. Påmeldingsfrist er 1. september.

Les meir om stemnet her: Invitasjon sprangstemne