Volda rideklubb arrangerte klubb- og distriktsstemne i dressurriding den første helga i påska. Vi fekk tilreisande frå Verdal i nord til Florø i sør, og største klassen talde heile 15 deltakarar! Det var klasser frå LC til MC, og dei lokale ekvipasjane hevda seg godt. For mange var dette årets første stemne, og alle reid til gode prosentar. Fleire sette nye personlege rekordar. No gler vi oss til neste stemne, som er 18. mai. Då byr Volda rideklubb inn til klubb- og distriktsstemne i dressur- og presisjonskøyring.