Laurdag 14. september gjekk 1. avdeling i KM individuelt, i tillegg til KM-lag., av stabelen på Volda rideklubb sitt anlegg. Ni klubbar var representert med til saman 25 ekvipasjar. Det stilte seks lag i lagkonkurransen, der to av dei kom frå arrangørklubben sjølv. Etter ein lang dag med mykje god riding, vart det bronse til Volda 2, som bestod av Anna Wangen Mork/Bakkens Odin (LA), Karin Hurlen Vatnehol/Sjugards Fjelltyra (LC) og Hedda Ose/Viljas Saga (LC), og 4.-plass til Volda 1, som bestod av Liv Jorunn Nyhagen/Soltuns Trym (LA) og Silje Heltne/Draupnir frå Alvargården (LB). Gullet gjekk til laget frå Sunnfjord Hestesportslag, medan Eid ride- og køyreklubb tok sølv.
Søndag 15. september gjekk dei individuelle finalane av stabelen, og her vart det gull i seniorklassen til Liv Jorunn Nyhagen og Soltuns Trym frå Volda rideklubb. Sølvet gjekk til Oda Bruland og Fjelltind frå Sunnfjord Hestesportslag og bronsen til Mia-Sofie Terøy-Valberg og Stald Kiels Kur frå Flora Hestesportsklubb. Anna Marie Wangen Mork og Bakkens Odin frå Volda rideklubb kom på 4. plass.