Volda rideklubb hadde to ekvipasjer til start under årets Fjordhest NM/Nordisk i Kristiansand. Liv Jorunn Nyhagen og Soltuns Trym starta NM senior, greinmeisterskap dressur, greinmeisterskap sprang, Nordisk dressur og var med på det eine norske laget i lagkonkurransen. Hedda Ose og Viljas Saga deltok i Beste Unge Fjordhest 5 år (BUF), samt utdanning dressurkøyring. Begge ekvipasjene fekk med seg mykje heider og ære heim. Liv Jorunn vann NM-gull i seniorklassen og var med å ta laggull i Nordisk, medan Hedda kunne reise heim med Beste Unge Fjordhest 5 år etter ein spennande finaledag.