Fleire skiltsponsorar på plass

Volda rideklubb har god plass til sponsorskilt på kortsida i ridehallen. Her vil skilta vere godt synlege for alle brukarane av hallen, både tilskodarar og ryttarar. Til no i år har vi fått inn tre skiltsponsorar: Mulvik, Tussa og Rosetter.no. I helga fekk vi besøk av Karoline og Baard frå Rosetter.no, som var glade for å få vere med å støtte eit slikt flott anlegg. Vi har framleis plass til mange skilt på veggen, så interesserte må gjerne ta kontakt!

Volda rideklubb har fått hovudsponsor - Sparebanken Møre

Foto: Ingvild Runde, Møre/Aarflots Prenteverk AS


Søndag kunne vi med stor glede avsløre at vi har fått ein hovudsponsor. Sparebanken Møre vil støtte oss i 3 år framover i tillegg til at vi fekk kr 100 000 til ridehallen. 

Dette kjem veldig godt med og gjer at vi kan satse vidare på bygging av stallanlegg.

Vi takker så mykje til vår samarbeidspartnar Sparebanken Møre! 

Søndag møttest vi ein gjeng frå klubben med hestar og banksjef Mette Ryste overrekte sjekken. Her kan du lese meir om det frå Møre: Har inngått hovudsponsoravtale

Årsmøte Volda rideklubb


Måndag 1. mars blir det årsmøte for rideklubben kl 19.00 i ridehallen med god avstand.

Saker til årsmøtet må vere styret i hende innan 15. februar. Send ein epost til styret@voldarideklubb.no om du har innspel som bør vere med på årsmøtet.

 

 

Sakliste:

  • Val av sekretær
  • Val av dirigent
  • Val av 2 representantar til å signere protokollen
  • Godkjenning av inkallinga og saklista
  • Lese opp årsmeldinga og godkjenne den
  • Godkjenne det reviderte rekneskapet
  • Medlemskontingent og anleggsleige
  • Val av styre
  • Informasjon om planar for aktivitetar 2021

Vel møtt!

Ridehall frå Fjøssystemer


Volda rideklubb fekk i førre veke lånetilsegn til ridehall i banken. Søknad om kommunal garanti vert straks sendt inn, og vi kryssar fingrane for positivt resultat! Vi kan ikkje byrje på byggjearbeid før slik garanti er på plass, men torsdag denne veka signerte styreleiar Edle Holmin kontrakt med Fjøssystemer om bygging av ridehall i Volda. Dei får no starte prosjekteringsarbeidet, slik at vi er klar til å starte bygging straks kommunal garanti ligg føre.

Det som er veldig viktig no, trass den ekstraordinære situasjonen med korona-viruset, er at medlemmane er flinke til å støtte opp om klubben, og bidra til å styrke eigenkapitalen. Styret starta for nokre veker sidan med sal av flotte sponsorrosettar. Desse kostar 1.000 kroner stykke, og det er så langt kome inn kring 56.000 kroner på dette salet. Målet er 150.000 kroner, så vi håper alle kan spreie ordet – og gjerne kjøpe ein sjølv. Dette vert eit flott minne å ha! For dei som ikkje har høve å støtte med så stort beløp, opnar vi for mindre beløp på vipps. Alle monner drar når vi no skal realisere ein 25 år gamal draum!

Klubbstemne i sprang

Sidan D-stemnet 23.-24. Mai vart korona-avlyst, byr Volda rideklubb inn til internt klubbstemne i sprang 24. mai i staden.
Start kl. 12:00.
Klasser:
1. 20 cm CR (lov med leiar)
2. 40 cm CR
3. 50 cm CR
4. 60 cm CR
5. 70 cm CR
6. 80 cm (omhopping etter klassen for minste like feil)
Pris per klasse: 100 kr, betal på Vipps eller før over til konto. Vi tek ikkje imot kontant betaling denne dagen på grunn av korona.
Sløyfepremiar.
Banebyggjar og dommar: Liv Jorunn Nyhagen
Stemnet er ope for alle medlemmar i Volda rideklubb som disponerer hest sjølv. Vi har dessverre ikkje hestar til utlån denne dagen.
Påmelding til livjorunn83@gmail.com innan 19. mai kl. 20:00. Vi ber om at du skriv namn på hest, rytter og klasse, samt namn på eventuelle medhjelparar/heiagjeng. Vi må vite kven som er på området om smittesporing seinare skulle bli naudsynt.
Startlister vert tilgjengeleg seinast laurdag.
Vi følgjer dei gjeldande smittevernreglane, og ber om at folk held avstand til kvarandre og forlet stemneplassen straks klassen(e) sine er over. Det er antibac tilgjengeleg ved ridebana. Vel møtt!